२० . अमुचे जग गाईल जयगान ||धृ०||
अमुच्या मंगल देशासाठी, अम्ही उजळल्या जीवनज्योती
शांतपणाने इथे चालले, अखंड जीवनदान ||१||
ओठावर या अनेक भाषा, नयनापुढती एकच आशा
एकदिलाने सदैव नांदू, सोडूनी हे अभिमान ||२||
हृदयांतिल ते स्वप्न मनोहर, अवलोकाया होऊनि आतुर
पत्थर काटे तुडवीत आलो, तिमिरातून भयाण ||३||
स्मरण कुणाला भूकतृषेचे, भानही कुठले भंवतालीचे
हासत अपुल्या हवनांतुन हे, उभवू राष्ट्र महान ||४||
आज जगी या म्हणती वेडे, गातिल सगळे उद्या पवाडे,
देतिल अमुच्या धवल यशाचे फडकावून निशाण ||५||
No comments:
Post a Comment